ЎФФ президенти сифатида Испанияга жўнаб кетган Умид Аҳмаджонов бугун — 21 январь куни «Сантьяго Бернабеу» стадионида «Реал Мадрид» — «Депортиво» учрашувини томоша қилади.
Тушки вақтда Аҳмаджонов аргентиналик машҳур футболчилардан бири Хорхе Вальдано билан учрашди ва болалар футболини ривожлантириш ишлари борасида суҳбатлашди. Фикр алмашиш чоғида малакали футболчиларни яратишда янги тизимга ўтиш масаласи асосий ўрин тутди. Вальдано бунда мураббийлар савиясини кўтариш катта аҳамият касб этишини таъкидлаган.
Вальдано Испания футболи ҳақида етарлича маълумотга эга. 1986 йилги Жаҳон Чемпионатида зафар қучган собиқ футболчи ўз вақтида «Валенсия», «Реал Мадрид» каби клубларда мураббий бўлиб ишлаган. Спорт директори лавозимларида фаолият олиб борган.
Умид Аҳмаджонов суҳбат давомида Ўзбекистонда болалар футболини ривожлантиришда испан футбол мактаблари методикаси алоҳида ўрин тутишини истаётгани ҳақида гапирган. Бельгия ва Испания футболи сўнгги йилларда тезлик билан ривожланиб бораётганидан келиб чиқиб, Ўзбекистон ҳам бу мамлакатлар футболидан собиқ олишга тайёр экани маълум қилинган.
Хорхе Вальдано жаҳон футболидаги кўзга кўринган мутахассислардан бири. Биз Ўзбекистонда мураббий ва футболчиларни тайёрлаш тизимини барпо этишда испан футболи структурасидан наъмуна олишни истардик. Бунда Вальдано каби кишиларнинг билими, йиллар давомида тўплаган тажрибасидан унумли фойдаланиш мумкин. Умид қиламанки, унинг маслаҳатлари бу борада бизга ас қотади.Умид Аҳмаджонов, ЎФФ президенти
Эртага — 22 январь куни Аҳмаджонов Испания футбол федерацияси раҳбарияти билан учрашади.
Изоҳ (0)