15 ёшли британиялик мактаб ўқувчиси Кейн Гэмбл ўзини Марказий разведка бошқармаси собиқ директори деб кўрсатиб, АҚШнинг Афғонистон ва Эрондаги разведка операциялари ҳақида махфий ахборотни қўлга киритди, деб ёзади «РИА Новости».
18 ёшли Буюк Британия фуқароси уч йил аввал МРБ собиқ бошлиғи Жон Брэннан ва АҚШнинг бошқа юқори мансабли амалдорлари компьютерларига бузиб киришга уринган.
У ўз қурбонлари устидан кулиш орқали маълумотларни қўлга киритган. У интернетга уларнинг шахсий маълумотларини жойлаштирган, уларнинг мониторларига порнографик суратларни юклаган, телевизор ва планшетларини масофадан туриб бошқарган. Ҳужумга учраган мансабдорлар доимий равишда техник кўмак хизматига мурожаат қилишга, паролларини ўзгартириб туришга мажбур бўлган. Техник кўмак марказига амалдорлар номидан Гембл ҳам мурожаат қилган ва шу тариқа аккаунтларга кириш ҳуқуқини қўлга киритган.
Изоҳ (0)