2018 йилги Наврўз байрами арафасида Ўзбекистон бахшиларининг республика семинари бўлиб ўтади. Бу ҳақда Ўзбекистон Президенти Шавкат Мирзиёев Сурхондарё вилоятига ташрифи давомида маълум қилди.
ЎзА ахборотига кўра, Президент 20 январь куни Термиз шаҳридаги «Амударё» болалар оромгоҳи ва шу оромгоҳ ҳузурида ташкил этилган 125 ўринли бахшилар мактаби фаолияти билан танишган, Ўзбекистон халқ бахшилари Шоберди Болтаев ва Абдуназар Поёнов билан мулоқот қилган.
Достончилик ва бахшичилик — миллий ғуруримиз. Унинг замиридаги эзгу қадриятларни халқимизга етказиш лозим.Хабар беришларича, Президент мутасаддиларга «Мустақиллик бахшилари» китобини чиқариш, Сурхондарё вилоятидаги коллежларда ушбу санъат турини ўқитиш юзасидан топшириқлар берган.Бахшичилик мактаби халқ оғзаки ижодининг ноёб дурдоналарини асрашга, уни ривожлантиришга, бахшиларнинг обрўсини кўтаришга хизмат қилиши керак.
Жорий йил Наврўз байрами арафасида юртимиз бахшиларининг республика семинарини ўтказишни йўлга қўямиз, уларни қўллаб-қувватлаймиз.
Шавкат Мирзиёев, Ўзбекистон Президенти
Изоҳ (0)