Саудия Арабистонида 35 йиллик тақиқдан сўнг биринчи марта кинотеатрларда киносеанслар бўлиб ўтди, деб ёзади Daily Afisha.
Томошабинларга «Эможи фильм» намойиш этилган сеанс Жидда шаҳридаги тайёргарликсиз ташкил қилинган кинотеатрда бўлиб ўтди. Саудия Арабистонида картиналарни намойиш қилиш учун зарур инфратузилма бўлмагани сабабли, дастлабки пайтларда кинотеатрлар ўрнига проекторлар ва попкорн учун машиналар билан жиҳозланган бошқа жойлардан фойдаланилади.
Доимий кинотеатрлар мамлакатда мартдаёқ пайдо бўлиши мумкин. Саудия Арабистони ҳукумати 2030 йилгача 2000 та экранли 300 та кинотеатр очиб, 30 мингта иш ўрнини яратишни режалаштирмоқда.
Кинотеатрларга қўйилган тақиқни олиб ташлаш — шаҳзода Муҳаммад ибн Салмоннинг ташаббуси бўлиб, у ўз ислоҳотлари ёрдамида мамлакат иқтисодиётининг нефть нархларига боғлиқлигини камайтиришга умид қилмоқда.
Изоҳ (0)