Ўзбекистон Президенти Шавкат Мирзиёев 2018 йил бошида Тожикистонга ташриф буюриши кутилмоқда. Ушбу ташрифга тайёргарлик доирасида Ўзбекистон бош вазири Абдулла Арипов 10—11 январь кунлари Душанбеда бўлиб қайтди. Ушбу ташриф давомида давлат чегаралари, виза ва Фарҳод ГЭС масаласида келишувларга эришилгани айтилди.
Жамоатчилик ушбу янгиликларни муҳокама қилаётган бир вақтда Тожикистоннинг «Азия-Плюс» агентлиги «Ўзбекистон ва Тожикистон давлат раҳбарларининг учрашувидан нима кутмоқдасиз?», деган савол билан душанбеликларга мурожаат қилди. Қайд этиш жоиз, респондентларнинг деярли бари икки мамлакат ўртасидаги виза тартибининг бекор қилиниши тарафдори эканини айтган.
Изоҳ (0)