Нью-Йоркда 2017 йил октябрида юз берган террорчилик ҳаракатида ўзбекистонлик шахснинг айбланаётгани АҚШ ва Ўзбекистон муносабатларига салбий таъсир этмайди. Бу ҳақда АҚШнинг Ўзбекистондаги элчиси Памела Спратлен «Америка овози» телерадиосига берган интервьюсида айтиб ўтди. Интервью матни Ўзбекистон Миллий ахборот агентлиги (ЎзА) томонидан эълон қилинган.
Элчининг таъкидлашича, бу воқеа АҚШда иммиграция масаласи долзарб бўлиб турган бир вақтда юз берди, шу сабабли ҳам унга эътибор кучли. Бироқ, шуни ҳам унутмаслик лозимки, терактни содир этганликда гумон қилинаётган асли ўзбекистонлик Сайфулло Соипов АҚШга қонуний йўл билан борган.
Хавфсизлик, албатта, қалтис масала. Биз «Грин-карта» дастурини ўрганиб чиқиб, шуни аниқлаганмизки, бу йўл билан келаётганларнинг аксарияти Америкада янги ҳаёт қуриш билан банд ва тўғри йўлда.Иммиграция бўйича дебатлар қандай қарорларга етаклайди, буни олдиндан айта олмаймиз. Кузатамиз, огоҳмиз. Ўзбекистон ҳозиргача бирор чеклов ёки алоҳида чора билан юзлашади, деган гап йўқ. Террор ҳуружларининг таъсири ҳар доим ҳам кучли бўлган, лекин Ўзбекистонга нисбатан салбий қарашни сезмаяпман.
Бу воқеадан кейин Лиза Кёртис (Оқ уй расмийси) Ўзбекистонга келиб кетди. Конгрессдан саккиз кишилик делегация келиб кетди. Президент Мирзиёев ва президент Трамп телефонда гаплашди. Битта воқеа билан алоқалар издан чиқмайди.
Памела Спратлен, АҚШнинг Ўзбекистондаги элчиси
Изоҳ (0)