Taobao платформасида лаб бўёқлари синовини ўтказувчи хитойлик гўзаллик блогери Ли Цзяци 2017 йилда 10 миллион юан (1,5 миллион доллар) ишлаб олди. Бу ҳақда China Daily хабар берди.
Блогер бир кунда лаб бўёғининг 300 дан ортиқ турини синаб кўрган. Унинг ҳар кунлик жонли эфири етти соатдан давом этган, у фақат сув ичиш, овқатланиш ва ҳожатхонага бориш учун трансляцияни тўхтатган.
Мухлислар блогерни «лаб бўёғи қироли» ёки «темир лабли ака» деб атаган. Таъкидланишича, бир мартада учтадан ортиқ лаб бўёғини синаб кўра олмайдиган аёл блогерлардан фарқли равишда, Ли бир кунда 380 дона бўёқни синовдан ўтказган.
Блогернинг сўзларига кўра, у мухлисларга энг яхши маҳсулотларни арзон нархларда сотиб олишга ёрдам беради. Баъзан дўконлар унинг обуначиларига чегирмалар тақдим этади.
Изоҳ (0)