Россиянинг Суриядаги Хмеймим базасига ҳужумлар давом эттирилади. Бу ҳақда Россия шарқшунослик институти араб ва ислом тадқиқотлари маркази катта илмий ходими Борис Долгов тахмин қилди, деб хабар беради «РИА Новости».
«Идлибдаги қуролли гуруҳлар интизомга қатъий риоя этадиган ҳарбий бўлинмалар эмас, шу сабабли ҳужумларни улар уюштирган бўлиши мумкин. Бироқ, шубҳасиз, бу ташқи кучлар томонидан қўллаб-қувватланган ва учувчисиз учиш қурилмалари ўнлаб километрни босиб ўтиб, бир жойга зарба беришга уринган ҳужум бўлди», — деди Долгов.
Шу билан бирга, эксперт ҳарбий объектларга ҳужум Россия расмийларининг Сурияда террорчилар устидан ғалаба қозонилгани ҳақида баёнотларига боғлиқ бўлиши мумкинлигини билдирди ва келгусида ҳужум такрорланишини истисно этмади.
6 январга ўтар кечаси террорчиларнинг Хмеймимдаги авиабаза ва Тартусдаги таъминот пунктига учувчисиз учиш қурилмалари ёрдамида амалга оширган ҳужумига барҳам берилди. 13 та қурилмадан бир қисми мажбурий қўндирилди, бошқаси уриб туширилди ва портлаб кетди.
Изоҳ (0)