Тошкент вилояти Юқори Чирчиқ тумани ИИБга 2018 йилнинг 10 январь куни соат 15.55 да 4-синф ўқувчисининг бўйин қисмидан осилгани бўйича хабар келиб тушади, деб ёзади ЎзА.
Хабарга кўра, Юқори Чирчиқ тумани Арганчи ҳудудида жойлашган Усмонобод маҳалласи, Кўҳинур кўчасида яшовчи, 12-мактабнинг 4-синф ўқувчиси Барно Камолиддин қизи Ҳасанова ҳовлисидаги гилос дарахтига осилиб қолган.
Барнонинг онаси Гулноза Абдусаломовна Каримова уйи ҳовлисидаги гилос дарахтида бўйни билан осилиб турган қизини кўрган заҳотиёқ уни қутқариб олади.
Барно ҳовлида ўйнаб гилос дарахти устига чиқади ва ундаги арқонни олиш ҳаракатида бўлиб, эҳтиётсизлик оқибатида арқонга бўйни билан осилиб қолади. Онасининг ҳаракати эвазига Барно шифохонага олиб келинади ва унга бу ерда «механик асфиксия» ташхиси қўйилади.
Тошкент вилояти ИИБ Тергов бошқармаси хабарига кўра, шифохонанинг жонлантириш бўлимига ётқизилган Барнога ҳозирда тўлиқ тиббий ёрдам кўрсатилмоқда.
Изоҳ (0)