Россияда 2017 йили фирибгарлик жиноятнинг энг кенг тарқалган турларидан бирига айланди: мамлакатда ҳар уч дақиқада битта шундай жиноят қайд этилди. Россия Бош прокуратураси томонидан эълон қилинган ўтган йил 11 ойи маълумотлари шундан далолат бермоқда, дея хабар беради «ТАСС».
Мамлакатда жиноятчиликнинг очилиши 54 фоизни ташкил этса, фирибгарлик билан боғлиқ ҳуқуқбузарликларда бу кўрсаткич атиги 25 фоизга тенг бўлди.
Бош прокуратурага кўра, охирги 5 йил мобайнида фирибгарликнинг умумий жиноятчиликдаги улуши 7,5 фоиздан 10,7 фоизгача кўтарилди ва наркотиклар айланмаси билан боғлиқ жиноятлар сонидан ҳам оишб кетди.
Россияда 2017 йили энг кенг тарқалган жиноят (гарчи 2016 йилга нисбатан салкам 9 фоизга камайган бўлса ҳам), ўғирлик бўлиб қолмоқда — 738 минг ёки жами жиноятларнинг 38,4 фоизи.
Изоҳ (0)