Америка Ҳарбий-ҳаво кучлари Болтиқ денгизи устида Россиянинг иккита қирувчи самолёти кузатиб борилгани тасвирланган видеороликни эълон қилди. Пентагоннинг тасдиқлашича, ҳодисалар 2017 йилнинг ноябрь ва декабрь ойларида содир бўлган, деб хабар берди «РИА Новости».
Биринчи роликда иккита F-15 қирувчилари Россия Ҳарбий-денгиз кучларига тегишли дея тахмин қилинган иккита Су-30 самолётининг тутиб қолгани тасвирланган. Воқеа 2017 йилнинг 23 ноябрида содир бўлган.
«Россия самолётлари авиадиспетчерлар талаб қилган кодларни, шунингдек, парвоз режасини тақдим этмаганлиги сабаб уларни тутиб қолиш ташкиллаштирилган эди», — дейилади хабарда.
Видеонинг иккинчи қисми 13 декабрь куни тасвирга олинган бўлиб, унга ҳам Россияга тегишли иккита қирувчи самолётининг ортидан кузатиб борилган. Идоранинг таъкидлашича, уларни тутиб қолиш ишлари профессионал даражада амалга оширилган ва «халқаро парвоз қоидалари ҳамда хавфсизлик стандартлари» бузилмаган.
Иккала ҳолатда ҳам осмонга АҚШ Ҳарбий-ҳаво кучларига тегишли 48-авиация гуруҳининг 493-қирувчи эскадриляси учувчилари кўтарилган.
Изоҳ (0)