Олимлар январь охирида «қонли», яъни қизил супер Ой кузатилишини маълум қилди, деб ёзади «РИА Новости».
Таъкидланишича, «қизил Ой»нинг ўзи ноёб ҳодиса эмас, аммо уни тўлиқ Ой тутилиши билан бир вақтда кузатишга камдан-кам эришилади. Сўнгги марта бундай ҳодиса қарийб 150 йил аввал юз берган, кейинги йирик супер Ойлар 2028 йилнинг 31 декабрида ва 2037 йилнинг 31 январида кутилмоқда.
Олимлар берган маълумотларга кўра, тўлин «қизил Ой» куннинг қоронғи вақтида пайдо бўлади, уни биринчи бўлиб, сайёранинг ғарбий ярим шари аҳолиси кўриши мумкин.
Супер Ой — тўлин Ой ёки янги Ой чиқиши Ойнинг Ерга максимал даражада яқинлашиш вақтига тўғри келган пайтда содир бўладиган астрономик ҳодиса. Ёрқин қизил ранг эса осмон жисми сайёра соясида туриши, ва унинг юзасига фақат ёруғликнинг бир қисми тушиши ҳисобига юзага келади.
Изоҳ (0)