Ҳиндистонда мактаб автобусининг юк машинаси билан тўқнашуви оқибатида камида 6 нафар ўқувчи ва ҳайдовчи ҳалок бўлди, яна 10 киши яраланди. Бу ҳақда «ТАСС» хабар бермоқда.
Фожиа Индор шаҳрида юз берди. 30 нафар ўқувчи кетаётган автобус ҳайдовчиси бошқарувни уддалай олмай, қарама-қарши томонга чиқиб кетди ва катта тезликда келаётган юк машинаси билан тўқнашди.
Жабрланганлар касалхоналарга етказилди. Полиция ҳодиса сабабларини ўрганишга киришди.
Изоҳ (0)