Тошкентнинг энг йирик буюм бозорларидан бири ҳисобланган собиқ «Абу Сахий» масъулияти чекланган жамиятида давлат бюджетига бир ойда 5 миллиард сўм пул тушган. Бу ҳақда Ўзбекистон Президенти матбуот хизмати 5 январь куни маълум қилди.
Президент матбуот хизматининг алоҳида қайд этишича, ушбу бозор «Тошкент ипак йўли» мажмуасига айлантирилгандан сўнг, атиги 15 кунда тушум 35 миллиард сўмга етган. Яъни, янги тузилма ярим ойда давлат бюджетига эски «Абу Сахий»нинг етти ойлик тушумини келтирган.
Президент матбуот хизмати «Абу Сахий»нинг номи ўзгарганини расман тасдиқлаган илк муассаса бўлди, бироқ бу ўзгариш айнан қачон бўлгани, «атиги 15 кун» дейилганда қайси саналар оралиғи назарда тутилганига аниқлик киритилмаган.
Мавзуга доир: «Абу Сахий»нинг номи «Тошкент ипак йўли»га ўзгаргани ҳақидаги илк расмий маълумотни Президент матбуот хизмати берди
Изоҳ (0)