Саудия Арабистони бошчилигидаги араб коалицияси Яманда Таиз ва Ходейда тоғлари ўртасидаги хусийларни таъминлаш бўйича асосий линияни тўсиб қўйди, деб ёзади «РИА Новости».
Бирлашган Араб Амирликлари қуролли кучларидаги манбага кўра, операция чоғида, шунингдек, бир неча ўнлаб исёнчи хусийлар йўқ қилинган.
Яманда 2014 йилдан буён «Ансор Аллоҳ» шиалар ҳаракатидан исёнчи хусийлар ҳамда президент Абду Раббо Мансур Ҳодийга содиқ ҳукумат қўшинлари ва халқ лашкари ўртасида қуролли низо давом этмоқда. Ҳукуматни ҳавода ва ерда араб коалицияси қўллаб-қувватламоқда, хусийларга эса яқин вақтларга қадар собиқ президент Али Абдулла Солиҳга содиқ ҳарбий кучлар ёрдам бераётган эди.
Ноябрь охирида хусийлар ва Солиҳ ўртасида низо юзага келди, натижада иттифоқдошлар ораси бузилди ва «Ансор Аллоҳ» исёнчилари билан отишмада Солиҳ ҳалок бўлди.
Изоҳ (0)