АҚШ Эрондаги ҳодисалар туфайли Нью-Йоркда БМТ Хавфсизлик кенгаши ва Женевада БМТ Инсон ҳуқуқлари бўйича кенгашининг махсус йиғилишини чақиради. Бу ҳақда АҚШнинг БМТдаги доимий вакили Никки Хейли маълум қилди, деб ёзади «Газета.ru».
«Биз жим турмаслигимиз керак», — деди у ва Эрон халқи озодлик ҳақида ошкора эълон қилганлигини қўшимча қилди.
Аввалроқ АҚШ президенти Дональд Трамп маъмурияти Эрон ҳукуматини мамлакатдаги намойишлар фонида ижтимоий тармоқларни блоклашни бекор қилишга чақирди.
Эроннинг йирик шаҳарларида 28 декабрдан буён оммавий норозилик намойишлари бўлиб ўтмоқда. 20 га яқин одам тартибсизликлар қурбони бўлди.
Изоҳ (0)