АҚШ Эрон расмийларини фуқароларининг ҳуқуқини ҳурмат қилишга чақиради. Бу ҳақда Оқ Уй расмий вакили Сара Сандерс маълум қилди, деб хабар беради «РИА Новости».
«Эрон ҳукумати ўз халқининг ҳуқуқлари, жумладан, фикрини билдириш ҳуқуқини ҳурмат қилиши лозим. Эрон фуқаролари тузум коррупцияси, хорижда террорчиликни молиялаштириш учун миллий бойликлар талон-торож қилинаётганидан норози бўлиб, тинч намойишлар ўтказмоқда», — таъкидлади Сандерс.
Маълумот учун, 2009 йилдан бери энг йирик норозилик намойишлари Эронда уч кундан бери давом этмоқда. Ҳукуматга қарши намойишчилар сафида ёшлар ва талаблар кўплиги билдирилмоқда.
Изоҳ (0)