Россия элчихонаси АҚШ санкцияларига жавобан тузилган қора рўйхатга киритилгани учун, АҚШ Конгресси делегацияси аъзоси, сенатор Жоан Шаинга виза бермасликка қарор қилди. Бу ҳақда» РБК» хабар бермоқда.
Қолган барча делегатлар виза олгани билдирилмоқда.
«Вазиятни ташриф Россия томони туфайли бекор қилингандек тасаввур этиш нотўғри. Биз вазиятни ҳал этишни турли вариантлари, жумладан, парламентарийларга визалар бериш бўйича икки томонлама асосда келишувга эришишни таклиф этдик. Яъни, АҚШ санкцияларига дуч келган россиялик депутат ёки сенаторларга Америка визаларини бериш эвазига. Бироқ бу таклиф рад этилди», — дейилади элчихонанинг Facebook’даги саҳифасида.
Politico нашрига кўра, Жоан Шаин Конгресс томонидан қабул қилинган Россияга қарши санкциялар тўғрисидаги қонун лойиҳасини очиқ-ошкор қўллаб-қувватлаган.
Республикачи-сенаторлар Рон Жонсон ва Жон Баррассо демократ ҳамкасбларига виза берилмагани сабабли Россияга режалаштирилган ташрифдан воз кечган.
Изоҳ (0)