Ўзбекистон Президенти Шавкат Мирзиёев таржимон, адиб ва олим, Ўзбекистон санъат арбоби Иброҳим Ғафуровни 80 ёшга тўлгани билан табриклади. Бу ҳақда ЎзА хабар бермоқда.
Табрикда, жумладан, шундай дейилади:
«Сизнинг йигирманчи аср ўзбек адабиётида ўчмас из қолдирган буюк сўз санъаткорларининг мураккаб ва ибратли ҳаёт ва ижод йўлига бағишланган теран адабий тадқиқотларингиз, ‘Гўзалликнинг олмос қирралари’, ‘Жозиба’, ‘Ёнар сўз’, ‘Ям-яшил дарахт’, ‘Ҳаё – халоскор’, ‘Мангу латофат’ сингари ўқувчилар қалбидан чуқур жой олган китоб ва рисолаларингиз ўзбек адабиётшунослиги ва танқидчилигининг ёрқин саҳифаларини ташкил этади.
Ўзбек китобхони Сизнинг заҳматли изланишларингиз туфайли жаҳон адабиётининг мумтоз намуналарини, жумладан, Лев Толстой, Ги де Мопассан, Фёдор Достоевский, Жеймс Жойс, Эрнест Хемингуэй, Фридрих Ницше, Габриэль Гарсиа Маркес, Чингиз Айтматов сингари бетакрор ижодкорларнинг асарларини ўз она тилида ўқишга муваффақ бўлди».
Табрикда Иброҳим Ғафуров мустақилликнинг илк йилларидан бошлаб Олий Мажлис депутати, «Миллий тикланиш» демократик партияси раҳбари сифатида демократик ислоҳотларни ҳаётга жорий этиш, хусусан, миллий қонунчилик асосларини мустаҳкамлаш ва ОАВни ривожлантириш борасида жонбозлик кўрсатгани қайд этилган.
Изоҳ (0)