Санкт-Петербургдаги «Перекрёсток» супермаркетида портлаш рўй берди. Бу ҳақда Meduza хабар бермоқда.
Ҳодиса оқибатида 10 киши жабрланди: 4 киши касалхонага етказилди, 6 кишини шифокорлар кўрикдан ўтказмоқда. Бир киши оғир ҳолатда эканлиги билдирилган.
Портлаш дўконнинг сақлаш камераси ҳудудида содир бўлди. Воқеа жойида ФВВ ва полиция ходимлари ишламоқда. Бинодан 50 га яқин киши эвакуация қилинди.
Портлаш сабаблари ҳақида ҳозирча ҳеч қандай маълумот йўқ.
Изоҳ (0)