Интернетда BMW M5 седанининг эволюцияси кўрсатилган видео пайдо бўлди. «Мотор»нинг ёзишича, 4 дақиқа 24 сониялик ролик YouTube’даги Cars Evolution каналига жойлаштирилган.
Роликда кўрсатилган илк машина E28 кузовидаги 1985 йилги седан бўлса, сўнггиси — жорий йил августида намойиш этилган сўнгги авлод модели бўлди. Айни вақтда, видеода ҳар бир М моделнинг қуввати, оғирлиги, шунингдек, нархи кўрсатилган.
Автомобильлар эволюциясига бағишланган бундай роликлар YouTube’даги Donut Media каналида ҳам мунтазам эълон қилиб борилади. Бунгача «Жип»лар, Mustang’лар ва Honda Civic’лар ҳақидаги шундай видеолар пайдо бўлган эди.
Изоҳ (0)