Forbes журнали 2018 йилда бизнесни юритиш мумкин бўлган энг яхши мамлакатлар рейтингини эълон қилди. Унда 153 та давлат 15 та турли омиллар асосида баҳоланди, деб хабар берди «Kommersant.uz».
Эскпертларнинг фикрича, қишлоқ хўжалиги экинларини диверсификация қилишга қаратилган саъй-ҳаракатларга қарамай, Ўзбекистон қишлоқ хўжалиги асосан пахта етиштиришга қаратилган. Ўзбекистон пахта етиштириш бўйича дунёда еттинчи ўринда, экспорт қилиш бўйича бешинчи ўринда туради.
Ўзбекистондаги ўсиш асосан давлат инвестициялари ҳисобидан амалга оширилади, табиий газ, олтин ва пахта экспорти валюта тушумларининг катта қисмини таъминлайди. Инвестиция муҳитини яхшилаш зарурлигини билган ҳолда, ҳукумат ишбилармонлик секторини ислоҳ қилиш ва мамлакатда хорижий инвестициялар учун тўсиқларни бартараф этиш бўйича қўшимча чора-тадбирлар кўрмоқда», — дея таъкидлайди экспертлар.
Рўйхатни тузишда муаллифлар мулк ҳуқуқи, инновация даражаси, солиқ даражаси, технология, коррупция даражаси, эркинлик (шахсий, тижорий ва молиявий), бюрократия ва инвесторларни ҳимоя қилиш каби омилларни ҳисобга олган.
Бизнес учун энг яхши давлатлар рейтингидаги дастлабки 20 та мамлакатнинг 12 таси Европа давлатлари ҳисобига тўғри келмоқда. Рўйхатга 2019 йилда Европа Иттифоқидан чиқиб кетиш учун овоз бериш жараёнларини ўтказган Буюк Британия етакчилик қилди. Европа давлатлари молиявий эркинлик, инновация, инфратузилма ва коррупция даражасининг пастлиги жиҳатидан юқори баҳоланди.
Шунингдек, рўйхатнинг бошидан Янги Зеландия, Нидерландия, Швеция ва Канада ўрин олган бўлса, Ливия, Афғонистон, Гаити, Гамбия ва Чад рўйхатни якунлаган.
Изоҳ (0)