13 декабрь кунига ўтар кечаси номаълум шахс ҳеч ким йўқлигидан фойдаланиб, Бўка тумани Кўкорол маҳалла фуқаролар йиғинида яшовчи хусусий меҳнат тури билан шуғулланувчи 1979 йилда туғилган Л.Нга тегишли дала майдонида боғлиқ ҳолда турган умумий нархи 14 000 000 сўм ташкил этувчи икки бош отини ўғирлаган. Бу ҳақда Тошкент вилояти ИИБ матбуот хизмати хабар бермоқда.
Олиб борилган тезкор чора-тадбирлар натижасида ушбу жиноятни Бекобод туманида яшовчи 1973 йилда туғилган А.Т содир этганлиги аниқланиб ушланди.
Ушбу ҳолат юзасидан унга нисбатан Ўзбекистон Республикаси Жиноят Кодексининг 169-моддаси (ўғрилик) 1-қисми билан жиноят иши қўзғатилди.
Икки бош от ашёвий далил сифатида олинган. ИИБ ҳолат юзасидан тергов олиб бормоқда.
Изоҳ (0)