Косонсой сув омборига туташ ҳудудда жойлашган Ёшлик маҳалласида яшовчи Ўзбекистон фуқаролари янги 2018 йилни электр энергиясининг ёрқин нурлари ва иссиқлигида кутиб оладилар. Бу ҳақда Ташқи ишлар вазирлиги матбуот хизмати хабар берди.
Қирғизистон раҳбарининг 2017 йил 18 декабрдаги топшириғига биноан ушбу аҳоли пунктига электр энергиясини узатиш тармоғи қайта тикланди.
Бу 2017 йилнинг 13—14 декабрь кунлари Тошкент шаҳрида Ўзбекистон Президенти Шавкат Мирзиёев ва Қирғизистон президенти Сўранбой Жээнбеков ўртасида олий даражадаги музокаралар давомида эришилган келишувларни амалга оширилиши натижасида рўёбга чиқди.
Изоҳ (0)