16 декабрь куни «Хожа Бухорий» ўрта махсус ислом билим юртида «Абу Муъин ан-Насафий асарлари билимдони» танлови ўтказилди. Бу ҳақда Ўзбекистон мусулмонлари идораси Қашқадарё вилоят вакиллиги матбуот хизмати хабар бермоқда.
Тадбирда билим юрти ўқитувчилари ва талаба ёшлари, Китоб туманидаги академик лицей ўқувчилари ва меҳмонлар иштирок этди.
Билим юрти талабалари ўртасида бўлиб ўтган беллашувда иштирокчилар Абул Муъин ан-Насафий ҳаёти ва унинг асарларида келтирилган ақида борасидаги фикр-мулоҳазалар, ўша даврда пайдо бўлган оқим ва фирқаларга қарши берилган қатъий далиллар тўғрисидаги ўз билимлари ва кўникмаларини намойиш қилди.
Беллашув натижасига кўра, 3-босқич талабаси Атавуллаев Аҳмадхон биринчи ўрин, 4-босқич талабаси Қосимов Абдулваисхон иккинчи ўрин ва 4-босқич талабаси Холмуродов Ҳамидуллоҳ учинчи ўринга муносиб деб топилди. Ғолиблар диплом ва эсдалик совғалари билан тақдирланди.
Изоҳ (0)