Вазирлар Маҳкамасининг 2017 йил 18 декабрь эълон қилинган «Мактабгача таълим вазирлиги ва унинг тизим ташкилотларининг моддий-техника базасини мустаҳкамлаш, шунингдек, нодавлат мактабгача таълим муассасалари фаолиятини қўллаб-қувватлаш тўғрисида»ги қарорига асосан хусусий болалар боғчаларига электр энергияси ва газ харажатларининг 50 фоизи давлат бюджети томонидан компенсация сифатида тўлаб берилади, деб хабар берди Norma.
Ҳужжатга мувофиқ ушбу қарор Қорақалпоғистон Республикаси ва вилоятлар марказлари, туманлар ва шаҳарларда жойлашган нодавлат мактабгача таълим муассасаларига тегишли ва у 2023 йилнинг 1 январигача амал қилади.
Нодавлат таълим муассасалари инвестиция мажбуриятларини бажариш шарти билан «нол» сотиб олиш қийматига ўтказилган давлат кўчмас мулк объектларида, шунингдек, хусусий инвесторларга тегишли бўлган биноларда мулк ҳуқуқи асосида яратилиши керак.
Таъкидлаш жоизки, нодавлат мактабгача таълим муассасаларининг электр ва газ харажатларини қолган 50 фоизи уларнинг ўз маблағлари ҳисобидан қопланади.
Ушбу имтиёз Тошкент шаҳрида амал қилмайди. Компенсацияни 12 ой давомида тўлаб борилади. Электр ва табиий газни стандартлардан юқори даражада истеъмол қилиш, шунингдек, жарималар ва пенялар тўланадиган компенсация қаторига кирмайди.
Батафсил маълумотлар билан қуйидаги ҳавола орқали танишиш мумкин.
Изоҳ (0)