Telegram асосчиси Павел Дуров 18 декабрь, душанба куни хабарлар жўнатишда носозликлар юзага келганини тасдиқлади ва мессенжер яқин вақтлар ичида барқарор ҳолатда ишлай бошлашини айтди, деб ёзади «ТАСС».
«Сўнгги вақтларда кузатилаётган трафикнинг ҳаддан ташқари ўсиши туфайли, Москва вақти билан 20:00 да хабарлар одатдагидан кўра секинроқ етказилди. Биз баъзи ўзгартиришларни жорий қилдик, эртага ҳаммаси яхши бўлиши керак», — деб ёзди у ўз Twitter’ида.
https://twitter.com/durov/status/942863011349520384
18 декабрь, душанба куни Москва ва Санкт-Петербургда яшайдиган мессенжер фойдаланувчилари шундай муаммоларга дуч келган эди. Шунингдек, Стокгольм, Берлин, Париж, Милан, Рим, Сингапур ва бошқа шаҳарлар фуқаролари ҳам носозликлар ҳақида маълум қилган.
Изоҳ (0)