50 йиллар охирида, Совуқ урушнинг айни қизғин палласида АҚШ тарихдаги энг хавфли ядровий қурол — SLAM ракеталари устида иш олиб борди. Етти йил давомида АҚШ ҳукумати Supersonic Low Altitude Missile (SLAM) номини олган лойиҳа устида тинмай меҳнат қилган, деб хабар беради Popmech.
АҚШ ҳарбий-ҳаво кучлари агарда Собиқ иттифоқ билан уруш бошлангудек бўлса, қитъалараро баллистик ракеталар ва стратегик бомбардимончиларга қўшимча равишда учинчи бир қуролга эгалик қилиши ниятида SLAM’ни яратди. Ядровий двигателга эга қанотли ракета душман тарафга водород бомбаларини ёғдиргунига қадар бир неча ҳафталаб учишга қодир эди.
Ишчи номи The Big Stick бўлган лойиҳа Canvair аэрокосмик гигантига топширилган эди. SLAM эса ядровий двигателга эга қанотли ракета сифатида қаралиб, у паст баландликда душман ҳаво майдонига кириши ва нишонларга ядровий бомбаларни ташлаши лозим эди, шундан сўнг у «ўзини ўзи йўқ қилиб» душман ҳудудини радиоактив моддалар билан зарарлантириши керак бўлган. Пентагон ушбу қурол 1965 йилга қадар тайёр бўлиши режалаштирган.
Бироқ SLAM 1964 йилда бутун ер юзига катта хавф туғдириши мумкинлиги сабаб бекор қилинган.
Изоҳ (0)