Buxoro viloyati G‘ijduvon tumani Jovgari qishlog‘ida yashovchi Nurali Tilavov tuman ichki ishlar boshqarmasiga ariza bilan murojaat qildi, deb xabar beradi viloyat IIB matbuot xizmati.
Fuqaro o‘z murojaatida 25-noyabr kuniga o‘tar kechasi soat 01:00 larda noma’lum shaxslar uning Ko‘kcha MFYda joylashgan qarovsiz qoldirilgan qo‘rasidan jami bahosi 4 500 000 so‘mlik 15 bosh qo‘yini yashirin ravishda o‘g‘irlab ketganini ma’lum qilgan.
Olib borilgan tezkor surishtiruv ishlari davomida ushbu jinoyatni Navoiy viloyati, Karmana tumani, Do‘stlik MFYda yashovchi 1990-yilda tug‘ilgan Zokir Navro‘zov va uning jinoiy sheriklari 1968-yilda tug‘ilgan Muhabbat Navro‘zova, 1984-yilda tug‘ilgan Zavqiddin Nurov, 1987-yilda tug‘ilgan Gulshan Hamroyeva hamda 1980-yilda tug‘ilgan Jahongir To‘xsonovlar tomonidan sodir etilgani aniqlangan.
Ushbu holat yuzasidan Z.Navro‘zov, M.Navro‘zova, J.To‘xsonov, Z.Nurov va G.Hamroyevalarga nisbatan O‘zbekiston Respublikasi Jinoyat Kodeksining 169-moddasi (O‘g‘rilik) 2-qismi bilan jinoyat ishi qo‘zg‘atilib, tergov harakatlari olib borilmoqda.
Izoh (0)