Жанубий Кореянинг Daegu Haany University делегацияси икки олий ўқув юрти ўртасидаги истиқболли ҳамкорлик йўналишларини муҳокама қилиш учун Тошкент шаҳридаги Инҳа университетига ташриф буюрди. Бу ҳақда университет матбуот хизмати хабар бермоқда.
Делегация таркибидан Daegu Haany University’нинг халқаро алмашинув дастурлари директори Бюн Кйинам, халқаро алмашинув дастурлари координатори Да-Еун Ли, авиация хизматлари факультетининг профессори Мюнг-Сун Сунг ўрин олди.
Тошкент шаҳридаги Инҳа университети ректори Сарвар Бобохўжаев Жанубий Корея университетининг делегациясини қабул қилди. Учрашув вақтида у Тошкент шаҳридаги Инҳа университети фаолияти тўғрисида гапириб берди.
Daegu Haany University делегациясининг қайд этишича, университет Ўзбекистон билан ҳамкорликни кенгайтириб, Жанубий Кореяда ўқитиш учун талабаларни жалб қилишни режалаштирмоқда.
Учрашув давомида томонлар ҳамкорликнинг истиқболли йўналишларини муҳокама қилди.
Изоҳ (0)