Биткоин курси 16 декабрь куни 18 минг долларлик кўрсаткичдан ўтди. Бу ҳақда Meduza хабар бермоқда.
Криптовалютанинг турли биржалардаги қийматини кузатиб борувчи CoinDesk сайти маълумотларига кўра, Тошкент вақти билан 15:25 атрофида курс бироз вақт давомида 18 минг доллардан юқори бўлиб турган, сўнг пастлаган. 16:40 дан бошлаб эса яна 18 минг доллардан ошган.
Биткоин курси 2017 йилнинг иккинчи ярмида рекорд даражада ўсмоқда. Август бошида криптовалюта нархи 3 минг доллар атрофида эди, 2 сентябрда эса 5 минг долларлик, ноябрь охирида бўлса 10 минг долларлик довонни босиб ўтди.
Изоҳ (0)