Самарқанд шаҳрида жойлашган ҳарбий шаҳарчанинг спорт майдонида Марказий ҳарбий округ қўшинлари қўмондонлиги томонидан вилоят ёшлари учун «Армия ва ёшлар» номли ҳарбий-ватанпарварлик фестивали ташкил этилди. Бу ҳақда Мудофаа вазирлиги матбуот хизмати хабар бермоқда.
Фестиваль доирасида замонавий қурол-аслаҳа ва ҳарбий техника кўргазмаси, ҳарбий оркестр ва бадиий ҳаваскорлик гуруҳларининг концерт дастурлари ҳавола этилиб, ҳарбий хизматчиларнинг қўл жанги усуллари ва вилоят мудофаага кўмаклашувчи «Ватанпарвар» ташкилоти ўқув-техник спорт клубларининг чиқишлари намойиш қилинди.
«Беш мингга яқин ёшлар иштирок этган фестиваль ўқувчиларда катта таассуротлар қолдирди», — дейилади хабарда.
Изоҳ (0)