Шавкат Мирзиёевнинг «Ўзбекистон Республикаси Конституцияси қабул қилинганлигининг йигирма беш йиллиги муносабати билан афв этиш тўғрисида»ги фармони асосида Тошкент вилоятида яшаш жойи ва жазони ижро этиш муассасасидан ижобий тавсиф берилган фуқаролар оиласи бағрига қайтмоқда, деб хабар беради вилоят ИИБ матбуот хизмати.
Бекобод шаҳрида яшовчи Нигорахон Шерифова Ўзбекистон Республикаси Жиноят Кодексининг 273-моддаси (5-қисми Гиёҳвандлик воситалари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш) билан жиноий жавобгарликка тортилиб, жазони ижро этиш муассасасида жазо муддатини ўтаётган эди. Президент фармони асосида у ҳам афв этилиб, оиласи даврасига қайтди. Шу муносабат билан Шерифовлар хонадонида ўзига хос байрам ташкил этилди.
Тошкент вилояти ички ишлар бошқармаси бошлиғининг ўринбосари подполковник О.Ч.Саидов, Бекобод шаҳар ички ишлар бўлими бошлиғи Э.О.Султонов ва Бекобод шаҳар ҳокимлиги мутасаддилари ушбу хонадонга ташриф буюрди.
Хабарда қайд этилишича, Шерифованинг қизи шаҳардаги 11-мактабгача таълим муассасасига жойлаштирилган, оила бошлиғи Марат Шерифов Бекобод шаҳар марказий шифохонасига техник ходим сифатида ишга қабул қилинган.
Изоҳ (0)