Аввалроқ Россия президенти сайловида ўз номзодини қўйиши ҳақида эълон қилган Ксения Собчак бир қатор сиёсий кучлар билан бирлашиш шарти билан ўз номзодини олишга тайёрлигини маълум қилди. Бу ҳақда у Екатеринбургда ўз ҳудудий штаби очилишидан сўнг журналистларга маълум қилди, деб ёзади «ТАСС».
«Унинг ҳамма фикрларига ва хатти-ҳаракатларига қўшилмасам-да, Алексей Навальнийга рухсат беришмаётганини чин юракдан адолатсизлик деб ҳисоблайман. Умуман олганда, бизда — менда ҳам, унда (Навальнийда) ҳам, Григорий Явлинскийда ҳам, бошқа сиёсатчиларда ҳам — қандайдир умумий мақсад бор, деб ўйлайман… Мен бирлашишга тайёрман, аллақачон бир қатор муҳим баёнотларни берганман, ва мен буни ўз номзодимни олгунимга қадар бажаришга тайёрман. Мен учун бундай доҳийликка интилиш бегона, мен учун ўз ишимни бажариш муҳим», — деди Собчак.
Эслатиб ўтамиз, Ксения Собчак Россия президенти сайловида қатнашиш режалари ҳақида 24 октябрь куни эълон қилган эди.
Изоҳ (0)