Россиянинг «АвтоВАЗ» компанияси Кубага LADA Vesta ва LADA Largus Cross автомобилларини жўнатди. Бу ҳақда корхона матбуот хизмати маълум қилди, деб хабар беради «ТАСС».
Компания мазкур мамлакатга охирги маротаба бундан 12 йил аввал машиналар етказиб берганди.
«Кубага 344 та автомобиль юборилди. Улардан 320 таси LADA Vesta ва 24 таси LADA Largus Cross», — хабар беради матбуот хизмати.
Автомобиллар маҳаллий такси хизматлари, ижара ва сайёҳлик компаниялари томонидан фойдаланилиши билдирилмоқда.
Машиналар Кубага 2018 йил январида етиб келиши кутилмоқда.
Изоҳ (0)