Ҳозирги вақтда Россия автобозорига Ravon бренди остида енгил автомобилларни етказиб бераётган GM Uzbekistan компанияси General Motors’нинг Санкт-Петербургдаги фаолияти тўхтатиб қўйилган заводида автомобиль ишлаб чиқариш имкониятларини кўриб чиқмоқда. Бу ҳақда, Россия саноат ва савдо вазири Денис Мантуровнинг сўзларига асосланиб, Spot хабар бермоқда.
GM Uzbekistan бу борада қизиқиш билдирган ва улар General Motors’нинг бош қароргоҳи билан музокаралар олиб бормоқда. Ҳозирча бу борада келишувга эришилгани йўқ.Вазирнинг таъкидлашича, А классга мансуб автомобиллар кичик бизнес билан шуғулланаётганлар учун манфаатли.Бизда бевосита рақобатга учрамайдиган моделларни ишлаб чиқариш бўйича мулоқот олиб бордик. Масалан, А классга оид автомобиллар бизда ишлаб чиқарилмайди, Ravon R2 (Spark) айнан шу классга мансуб.
Денис Мантуров, Россия саноат ва савдо вазири
Маълумот учун, ўз вақтида Chevrolet ва Opel брендлари остида автомобиллар ишлаб чиқарган Санкт-Петербургдаги қувватлар йилига 100 мингдан зиёд машина чиқаришга мослаштирилган.
Изоҳ (0)