Россия октябрь ойида 105 миллиард долларга тенг АҚШ ғазначилик қимматли қоғозларини харид қилди. Бу ҳақда АҚШ молия вазирлиги маълум қилди, дея хабар берди «РИА Новости».
Август ойида бу кўрсаткич 105,4 миллиард, сентябрда эса бирмунча пасайиб — 103,9 миллиард долларни ташкил этган эди.
Бир йил аввал Россиянинг Америка облигацияларига қўйилмалари ўртача 74,6 миллиард доллар иборат бўлган эди. Ўтган вақт мобайнида улар 41,8 фоизга ўсди.
Шундай бўлсада, Россия АҚШ қимматли қоғозларини энг кўп харид қилаётган давлатлар ўнлигига киргани йўқ ва 15-ўринни эгаллаб турибди.
Бу борада Хитой (1,18 триллион доллар), Япония (1,094 триллион доллар) ва Ирландия (310,8 миллиард доллар) етакчилик қилмоқда.
Изоҳ (0)