Ўзбекистоннинг айрим ҳудудларида кузатилаётган кучли туман сабаб амалдаги авиарейслар жадвалига тузатишлар киритилди, дея хабар бермоқда «Ўзбекистон ҳаво йўллари».
Эслатиб ўтамиз, 16 декабрга ўтар кечаси кўриш даражаси ёмонлашгани муносабати билан Тошкент, Бухоро ва Андижон аэропортлари самолётлар учиши ва қўниши учун ёпилган эди. «Ўзбекистон ҳаво йўллари»нинг 11 та рейси захира аэродромларга қўнди, деб ёзади «Газета.uz».
Ушбу хабар тайёрланаётган вақтда «Ўзбекистон ҳаво йўллари»нинг Сочидан учиб келаётган (HY 686) ва Нукусдан парвоз қилаётган (HY 54) рейслари захира аэродроми — Самарқандга йўналтирилган, бошқа бир неча рейсларнинг учиши ва қўниши кечиктирилган.
Тошкент ва Самарқанд аэропортлари мақомини онлайн-табло ёки аэропортларнинг ахборот телефонлари орқали аниқлаштириб олиш мумкин.
Миллий авиакомпания ахборотида қайд этишича, об-ҳаво шароитлари яхшиланиши билан, учувчилар парвозларни бажаришга тайёр. Компания юзага келган ноқулайлик учун узр сўраган.
Изоҳ (0)