Нукус шаҳрида 15 декабрь куни Ўзбекистон Президенти Шавкат Мирзиёевнинг Қорақалпоғистон Жўқорғи Кенгеси депутатлари ва фаоллари билан учрашуви бўлиб ўтди, дея хабар бермоқда ЎзА.
Учрашувда Президент асосий диққат-эътибор, саъй-ҳаракатлар ҳудудлар ва тармоқларни изчил ривожлантириш, аҳолининг ҳаётий муаммоларини ўз вақтида ҳал этиш ҳамда улар учун муносиб турмуш шароитини таъминлашга қаратилиши зарурлигини таъкидлаган эди.
«Учрашувда Президентимиз маҳалла ҳудудини ободонлаштириш, аҳолининг турмуш фаровонлигини таъминлашдаги самарали меҳнатлари учун Қўнғирот туманидаги энг олис ҳудуд – ‘Қорақалпоғистон’ посёлка фуқаролар йиғинини хизмат машинаси билан таъминлаш борасида топшириқ берган эди», — дейилади агентлик хабарида.
16 декабрь куни «Маҳалла» хайрия жамоат фонди Қорақалпоғистон бўлими раиси Тажибой Рамонов Президент совғаси — Ўзбекистонда ишлаб чиқарилган Nexia автомашинасининг калитини посёлка фуқаролар йиғини раиси Қутли Қўшимбетовага топширди.
Изоҳ (0)