Грузиялик шифокорлар бемор аёлнинг қорнидан 25 йил аввал жарроҳлик амалиётидан сўнг унутиб қолдирилган пинцетни топди, деб хабар беради «Корреспондент.net».
Тбилиси шаҳридаги клиникалардан бирининг онкожарроҳи Ираклий Тодуанинг маълум қилишича, бемор аёл тиббий муассасага умуман бошқа шикоятлар билан мурожаат қилган. Бироқ, операциягача ўтказилган компьютер тамографиясида унинг организмида ёт жисм борлиги аниқланган.
Шифокорнинг сўзларига кўра, афтидан, пинцет 25 йил аввал аёлнинг ўт қопи операция қилинган вақтда унутиб қолдирилган. Ҳозирда аёл ўзини яхши ҳис этмоқда.
Изоҳ (0)