Журъатлилик яхши ёки ёмон одамнинг фазилати деб айтиб бўлмайди. Лекин, журъатлилик — ғолибларнинг фазилати ҳисобланади деб аниқ айтиш мумкин.
Айниқса гап майда-чуйдалар ҳақида кетса, тезда қарор қабул қилинг
Бутун ҳаёти давомида журъатли бўлиш жуда қийин. Бунинг учун ўз малакаларига, хислатларига, тажрибаларига тўлиқ ишонч ҳосил қилиш керак. Шунингдек, онгингизга олдиндан киритилган, қарорларингизнинг тўғри ва жадаллигини тасдиқловчи дастур бўлиши зарур. Сизда буларнинг ҳаммаси ҳосил бўлиши учун майда-чуйдалар билан боғлиқ қарорларни тезроқ қабул қилишни бошлашингиз керак.
Қарор қилдингизми, бажаринг
Бу маслаҳат жуда маъносиз бўлса ҳам, сиз учун жуда муҳим. Агар сиз ниманидир қилишга қарор қилган бўлсангиз, энг муҳими — бажариш, энг муҳими — ўз қарорингизга содиқ қолиш.
Шунинг учун изчил бўлинг. Агар бирон нимани хоҳласангиз, агар қарор қилган бўлсангиз, буни албатта амалга оширинг, фикрингиздан қайтманг. Ҳамма шубҳаларингиздан қутулинг.
Ўз мукаммал ҳаётингизни топинг
Бутун ҳаётингиз давомида сизга ҳамроҳлик қиладиган нарсаларга аниқлик киритишингиз керак. Бунинг учун, банд бўлиш учун бандлик — бу аҳмоқлик эканлигини тушунишингиз керак. Сиз қилаётган ҳамма ишнинг маъноси бўлиши керак.
Бу маъно сизнинг мукаммал ҳаётингиз моҳияти билан чамбарчас боғланиб кетиши керак.
Ўзингиз учун энг муҳими нима эканини тушунганингиздан кейин сиз мукаммал ҳаётга йўл топасиз; мукаммал ҳаётга йўл топиш билан, ўз юрагингизда сизга ҳар доим ва ҳамма жойда ҳамроҳ бўладиган ишончни уйғотасиз.
Вақтингизни шу тушунчага сарфланг. Акс ҳолда, сиз уни ҳеч хоҳламаган нарсангизга сарфлайсиз.
Ўз яхши хислатларингизни аниқлаб олинг
Сиз ўзига хос маънавий компассиз қарор қабул қилиш жуда қийин бўлишини тушунишингиз керак.
Шарқ ҳикматларини изланг, Роберт Уилсон ёки Тимоти Лирни ўқиб кўринг, яхшилик ва ёмонлик мавзусидаги классик фалсафа билан танишинг.
Нимага қизиқсангиз, шуни танланг. Балки бирон-бир аниқ нарсани танлай олмассиз, лекин сизнинг ақлий ва маънавий бойлигингиз ошиши аниқ. Бу шахсий дунёқарашни ишлаб чиқишга ёрдам беради — шунда ҳатто энг қийин масалаларни ҳал қилиш ҳам анча осонроқ бўлади.
Манба: The Challenger
Изоҳ (0)