Ёзувчи Райан Холидей 20 ёшлилар учун 30 ёшда бой берилган имкониятлардан пушаймон бўлмаслик учун қандай яшаш кераклиги ҳақида ўз маслаҳатлари билан ўртоқлашди.
Сизга кўпроқ пул олиб келадиганини эмас, балки сизга бирон нимани ўргатадиганини танланг
Ҳамма лавозим таклифларини шу нуқтаи назар билан баҳоланг. Пулни ҳар қандай ишда топиш мумкин, лекин ҳақиқатан ҳам нимадир ўрганиш, янги тажриба орттириш ва яхшироқ бўлиш анча қийинроқ.Арзимаган ишлар билан шуғулланманг
Катта ютуқлар камдан-кам ҳолларда қисқа муддатли меҳнатнинг самараси бўлади. Одатда уларнинг устида кундан-кунга тиришқоқлик билан ишлаш керак. Бундай қилиш учун эса, вақтни арзимаган ишларга сарфламаслик керак. 30 йил — бу жуда кўп. Ҳатто бир йил — бу жуда кўп. Бу вақт ичида кўп нарсаларга эришиш мумкин. Ҳар куни кечагидан кўра бироз кўпроқ иш қилинг.Узоқ муддатли муносабатларга эга бўлинг
Албатта, муносабатлар — бу доимий уринишлар. Баъзан сизга жуда қийин ва азобли бўлади. Муносабатлар сеҳрли тарзда ўзингизга мукаммал мос тушадиган одамни учратганингиз учун эмас, балки ўзингиз ҳаракат қилганингиз учунгина жуда яхши бўлади.Токсик одамлардан қочинг
Биз ким билан мулоқот қилсак, уларга ўхшаб борамиз. Биз атрофдагиларимиз сафига қўшилиб қоламиз, дўстлар ва танишларни танлашда буни ҳисобга олинг. Токсик одамлар билан муносабатларингизни узинг.Кундалик юритинг
Орқага назар ташлаш учун эмас, балки ҳозир нима қилаётганингиз ҳақида ўйлашга ўзингизни мажбур қилиш учун кундалик юритинг.Шошилинч қарорлар қабул қилманг
Қўрққанимизда, иккиланганимизда, нима хоҳлаётганимизни билмаганимизда биз унчалик яхши бўлмаган қарорлар қабул қиламиз. Кейин пушаймон бўлмаслик учун шошилманг, ҳар томонлама ўйлаб кўринг ва кейин қарор қилинг.Манба: «Лайфхакер»
Изоҳ (0)