Ҳаётда сизга кўп қўл келадиган, лекин эгаллаш қийин бўлган 5 кўникма

Ҳаётда сизга доим керак бўладиган шундай нарсалар борки, уларга эга бўлиш учун жуда кўп вақт, куч ва тиришқоқлик талаб этилади. Қуйида келтирилган 5 кўникмани ўстириш қийин, лекин улар сиз учун жуда зарур.

1. Бошқаларнинг қайғусига шерик бўлиш

Эмпатия — кўпчилик унутиб қўядиган энг асосий инсонийлик фазилатларидан бири ҳисобланади. Бу бошқа одам ҳис қилаётганларини тушуна олишдир. Айнан эмпатия оддий мутахассисларни одамлар билан ишлайдиган биринчи даражалига айлантиради, ходимларни жамоа бўлишга ундайди, ғамгинликни енгишга ва иш ҳақига эмас, балки бирон бир каттароқ орзуга интилишга ёрдам беради.

2. Уйқуга тўйиш

Кун тартибини ишлаб чиқиш жуда муҳим, бу уйқунгиз сифатига ижобий таъсир кўрсатади. Белгиланган тартибга риоя қилсангиз, ухлашингиз ҳам, уйғонишингиз ҳам осонроқ бўлади ва яхши ухлайсиз.

            3. Вақтни режалаштириш

Вақтни тўғри тақсимлаш айниқса ҳозир жуда қадрланади. Афсуски, битта универсал тайм-менежмент услуби йўқ. Ўзингизга мос келадиганини топишга ва бунга риоя қилишга ҳаракат қилинг.

            4. Ёрдам сўраш

Сизга қачон ёрдам кераклигини ва уни сўрашни тушунишга ўрганиш жуда қийин, чунки ҳеч ким заиф ёки яхши билмайдиган бўлиб кўринишни истамайди. Лекин олимларнинг маълумотларига кўра, бундай илтимос бизни ходимлар кўзи олдида ишончлироқ қилиб кўрсатар экан.

Бирон бир одамдан ёрдам сўраш билан биз унинг билими ва тажрибасини тан оламиз, унинг ихлосини қозонамиз.

           5. Изчил бўлиш

Ҳар қандай ишда муваффақиятга эришиш учун изчиллик зарур. Бу, сиз нимага интилишингиздан қатъи назар, ҳаммасига тегишли: спорт билан шуғулланиш, ниманидир ўрганиш ёки муҳим лойиҳани тамомлаш.

Одамлар кўпинча белгиланган бир даражага етганидан кейин куч сарфлашни тўхтатади. Лекин уни тутиб туриш учун янада тиришқоқлик билан ишлаш ва изчил бўлиш керак.

Манба: «Лайфхакер»