Ўзбекистонда хизмат кўрсатган артист Райҳон Ғаниева Facebook’даги саҳифаси орқали февраль ойида бўлиб ўтадиган концертидаги қўшиқлар фонограммада ижро этилишига танқидий муносабат билдирган мухлисларига мурожаат ёзиб қолдирди.
Ҳурматли жонли ижрони ‘тушунадиганлар’, жонли ижро ёки фонограмма ҳақида изоҳ қолдиришдан аввал санъат ҳақида озгина тушунчага эга бўлишингизни тавсия этган бўлардим. Изоҳларда аноним исмлар орқали концертда ишлайдиган юзлаб инсонларнинг меҳнати ҳақида негатив фикрлар ёзиб ўтиргандан кўра, ўз ҳаётингиз билан, яқинларингизни ва ўзингизни севиш билан, уларни ҳурмат қилиш билан, уларни ва ўзингизни бахтли қилиш билан банд бўлинг. Концерт давомида ижро этаётган қўшиғингизда биттагина электрон овоз бўлса ҳам ‘Фонограмма орқали ижро этилади’ деб ёзилади ва буни санъатнинг асл шайдолари яхши билади. Хуллас, изоҳларда ҳар хил негатив фикрлар ёзаётган инсонларга бахтли бўлишини чин дилдан тилаб қолган бўлардим. Чунки бахтли инсон ўз ҳаёти билан, яқинлари билан банд бўлади. Концертимда эса санъатнинг асл мухлисларини кутиб қоламан ва концертда меҳнат қилаётган бутун жамоа билан биргаликда эсда қоларли шоу гувоҳи бўлишингизга ваъда бераман.Маълумот учун, Райҳон Ғаниеванинг навбатдаги концерт дастури 19—23 февраль кунлари «Истиқлол» санъат саройида бўлиб ўтади.Райҳон Ғаниева, хонанда
Изоҳ (0)