Голливуд актрисаси Анжелина Жоли ёшлигида актриса бўлишни истамаган, бу соҳага у пул топиш илинжида кириб келган. Бу ҳақда 7MedNews хабар бермоқда.
42 ёшли актриса дастлаб онасига ёрдам бериш учунгина фильмларда суратга туша бошлаган.
Жоли ишлаб топган гонорарига онаси учун дори воситаларини сотиб олган, унинг операцияси учун пул тўлаган, клиникаларда даволанишига шароит яратган.
«Актриса бўлишга қарор қилганимда, мен бу машғулотга онамга моддий кўмак беришга ёрдам берувчи иш сифатида қараганман. Севимли онажонимга ёрдам беришни жуда хоҳлаганман», — деди Анжелина.
Жоли 14 ёшга тўлган вақтда унинг онаси Маршелин Бертран саратонга чалинган. Актрисанинг отаси оиласини ташлаб кетган. Шунинг учун ҳам Жоли онаси билан моддий қийинчиликда яшаган.
Анжелина илк бор етти ёшида суратга олиш майдончасига келган. Бу унинг ташаббуси эмас эди. Жолининг ота-онаси фильмда бош ролларни ижро этаётгани боис Анжелинага кино санъатида ўзини синаб кўриш имкониятини яратиб берган эди.
«Мен касбим нафақат креатив эканлигини, балки у тарих, инсонларнинг феъл-атвори ҳақида кўп нарса ўрганиш имкониятини беришини тушундим», — деди Анжелина Жоли.
Изоҳ (0)