Эквадор суди октябрь охирида лавозимидан четлатилган мамлакат вице-президенти Хорхе Гласга 6 йил қамоқ жазоси ва 33 миллион доллар жарима жазоси тайинлади. Бу ҳақда «РИА Новости» хабар бермоқда.
Глас Odebrecht иши бўйича ҳукм чиқарилган бундай даражадаги биринчи мансабдор бўлди.
Прокуратурага кўра, Глас Эквадор иқтисодиётининг муҳим соҳаларида 5 та давлат шартномасини тақдим этгани учун Бразилиянинг Odebrecht қурилиш компаниясидан 13,5 миллион доллар пора олган.
Ушбу иш бўйича Гласдан ташқари яна 12 киши, жумладан, унинг амакиси сўроқ бермоқда.
Изоҳ (0)