АҚШ президенти Дональд Трамп 12 декабрь куни Нью-Йоркда теракт уюштиришга қилинган ҳаракат фонида яна бир бор миграция занжирини ва иммиграция визаларини лотерея орқали қўлга киритишга барҳам беришга чақирди. Бу ҳақда Америка раҳбари Оқ уйда журналистларга маълум қилди, деб хабар берди «ТАСС».
«Сўнгги икки ҳафтада Нью-Йоркда Green Card сабабли АҚШда яшаётган хориж фуқаролари томонидан иккита теракт амалга оширилди. Ҳужум уюштирган биринчи шахс виза лотереяси ёрдамида келган бўлса, иккинчиси миграция занжири орқали келган. Виза лотереяси ва миграция занжири — биз уларга яқинда барҳам берамиз», — деди Трамп.
Президент яна бир бор Конгрессни «дарҳол аралашишга» ва Вашингтон маъмуриятига ушбу масалада ёрдам беришга чақирди.
АҚШ президенти 31 октябрда ҳам Нью-Йоркда ўзбекистонлик фуқаро Сайфулло Соипов томонидан амалга оширилган терактдан сўнг бу каби чорловлар билан чиқиш қилган эди.
Изоҳ (0)