Туризмни ривожлантириш давлат қўмитаси ва Чилонзор туман ҳокимлиги туман ичида кичик сайёҳлик кластерини яратиш ишларини бошлади, деб ёзади «Газета.uz».
Қўмита маълумотларига кўра, Юрий Гагарин кўчасини махсус сайёҳлик кўчасига айлантириш режалаштирилмоқда, у ерда сайёҳлар харидларни амалга ошириши, овқатланиши ва кўнгил очиши мумкин бўлади.
Лойиҳа доирасида бренд дўконлари, умумий овқатланиш муассасалари (мавзули ресторанлар, арт-кафе, қаҳвахоналар), эсдалик совғалар дўконлари, ҳунармандлар устахоналари ва бошқа объектларни очиш кўзда тутилмоқда.
Шунингдек, кўчада каптарлар майдони бўлади, у ерда аҳоли ва сайёҳлар каптарларга қўлда дон бериши мумкин.
Кўчада доимий равишда маданий-кўнгилочар тадбирлар, шу жумладан, фольклор ансамбллар, бахшилар, дорбозлар чиқишларини ўтказиш режалаштирилмоқда.
Туризмни ривожлантириш давлат қўмитаси шунга ўхшаш ишларни Мирзо Улуғбек ва Юнусобод туманлари ҳокимликлари билан ҳам олиб бормоқда.
Изоҳ (0)