Ўзбекистон Республикаси Ташқи ишлар вазири Абдулазиз Камилов бошчилигидаги делегация 2017 йил 11 декабрь куни Ашхабод шаҳрида бўлиб ўтадиган халқаро конференцияларда иштирок этади. Бу ҳақда ТИВ расмий сайтида хабар берилди.
Конференциялар «Халқаро муносабатларда бетарафлик сиёсати ва превентив дипломатия: Туркманистон тажрибаси ва унинг аҳамияти», «БМТнинг Марказий Осиё учун превентив дипломатия бўйича минтақавий маркази: Марказий Осиё билан минтақадаги тинчлик ва тараққиётга йўналтирилган ҳамкорликнинг 10 йиллиги» мавзуларида бўлади.
Шу куннинг ўзида Туркманистон пойтахтида Марказий Осиёнинг беш давлати ва Афғонистон ташқи сиёсат идоралари раҳбарлари учрашуви бўлиб ўтади.
Изоҳ (0)