Nissan компаниясининг Россия бозоридаги расмий вакили — Nissan Маnufacturing Rus мамлакатдан 24 171 автомобилни қайтариб олади. Бу ҳақда «Ведомости» хабар бермоқда.
Жумладан, 2015—2016 йилларда ишлаб чиқарилган Qashqai русумига мансуб 13 945 автомобиль қайтарилади. Бунга қисқа туташувга олиб келиши мумкин бўлган олдинги ён панелда симларнинг нотўғри жойлашуви сабаб бўлди.
Компания 2005—2007 йилларда тайёрланган 10 226 дона Note русумли машинани ҳам қайтариб олмоқда. Улардаги нуқсон хавфсизлик ёстиқчасидаги муаммоларга олиб келиши мумкин бўлган носозликлар билан боғлиқ.
Изоҳ (0)